諾諾今次又去邊度玩？？
其實諾諾係去咗髮型屋玩啊😍😂雖然諾諾剪頭髮一般嚟講好合作，但上次諾媽見髮型師同諾諾講：「唔好亂喐啊，一陣剪到你嫁！」諾媽同諾諾兩個都呆咗😨其實佢得兩歲幾，大人係唔應該咁同佢講，好可能會嚇親佢🤦♀️
所以今次就決定搵返間專業剪小朋友嘅髮型屋，諾諾遠處見到呢間髮型屋已經衝住去話要玩呢間🤣老闆亦係一位媽咪，好有耐性由得諾諾玩飽先；而諾媽就同老闆吹水閒聊😅
結果剪個髮就剪咗90分鐘😂，諾諾玩得好滿足，阿媽我亦成功hea咗90分鐘👏❤️
諾媽意見：
幼兒剪髮唔係著重靚唔靚，而係安全性及小朋友對剪髮嘅感覺；幼兒對剪髮有好感，第時大個都會肯坐定定由你剪,相反如果剪髮曾經嚇親，咁以後每兩三個月都要打晒交爆喊咁去迫佢剪😭
呢間兒童髮型屋收費唔算貴，勝在有埋遊戲室玩，老闆又係女性，比較掌握到小朋友情緒。
如果有需要知道店舖名，請 #留言 ，我會pm你☺️
鍾意諾諾遊記嘅分享，記得比個like我👍，咁下次就會更快見到我嘅更新❤️❤️
#兒童剪髮 #兒童髮型屋
Search